ميكانيكا انتاج
هنتكلم عن قسم من اقسام كلية الهندسة الشيقه والممتعه جدا في دراستها
قسم_إنتاج
قسم ميكانيكا انتاج وتصميم
هنتكلم هن القسم من ناحيه الدراسه والمواد اللي هتدرسوها ومجالات العمل لخريجي القسم
يعد القسم واحدا من أكثر التخصصات الهندسية شمولية وتوسعاً، لانه يقوم بالأساس على أسس هندسية مختلفة من كافة التخصصات الأخرى تهدف إلى انتاج وتصميم النظم الميكانيكية وتطويرها ويعد القسم من أهم الاقسام المطلوبة دائما لمواكبة النظم العلمية والصناعية والادارية لمتابعة كافه المجالات..😉
اولا الدراسه والمواد
التصميم الميكانيكى (وهنا هتعرف ازاى ممكن تصمم اى جزء ميكانيكى من اول المسمار الى المعدات الثقيلة)
نظرية الماكينات (ميكانزمات التشغيل وانظمه الحقن فى السيارات وكيفية عمل التروس والكامات)
مادة الريبوتات (وده علم كبير وكلنا بنحاول ندرس فيه وده من اكثر العلوم الشيقة).
التحكم الرقمى فى ماكينات Cnc .
خواص المواد .
فيزياء الميتالورجيا (علم دراسة المعادن والتركيب البلورى للمعادن).
كورس كامل عن تكنولوجيا المسبوكات واللحام .
كورس التشغيل .
كورس التشكيل.
الرسم الميكانيكى .
علم القياسات .
مبادئ الجودة والامن الصناعى .
بالاضافة الى المواد الاتية
ميكانيكا الموائع ، ديناميكا حراريةوانتقال الحرارة، الهيدروليك وغيرها من المواد الشيقة داخل القسم
ثانيا مجالات العمل
فرص العمل لخريجين القسم كبيرة جداا تشمل 5 مجالات واكثر
- مهندس الصيانة على خطوط الانتاج داخل المصانع
- مهندس أمن صناعى وجودة
- مدير أنتاج
- مهندس تصميم ميكانيكى
عيوب القسم
هو فى مجال التصميم لانه قليل فى مصر
وكل قسم طبعا بيبقى ليه بعض المشاكل اللى ممكن تتغلب عليها بالكورسات واجتهادك ومتكونش عقبه فى حياتك.
وكلنا متابعين اشهر البرامج على مستوى العالم
Solid Works, Auto cad Mecanical , Inventor , Catia , CadCam
ايضا مديرين المواقع والشركات وذلك لتفوق مهندس الانتاج وقدرته على الاداره
وكمام ممكن تشتغل فى مجال السيارات ومجال الطاقه الشمسية واللحام
من الاخر ان شاء الله اكيد هتشتغل ولو عايز تتأكد بص حواليك مش هتلاقى مهندس انتاج قاعد فى البيت ولا قاعد على قهوة..😉
ملحوظه متربطش القسم بالمادة اللى بتدرسها فى اعدادى وتخليها تقفلك من القسم . المادة دى بندرسها فى القسم على الاربع سنوات كل جزء بيعتبر كورس وانا ذكرته فى المواد الدراسية .القسم دراسته جميلة جداا
وهتعرفوا كلامى بعد اول سنه بس فى القسم
القسم مش صعب جداا زى ما متداول بين الطلاب
وفي الأخر العامل الأساسي لإختيار القسم هو شغفك بيه
تعليقات
إرسال تعليق
نرجو نيل احترامكم
اخبرنا اذا اعجبك المقال
رشح مقالات تود ان تقرأ عنها
ساعدنا علي نشر الإستفاده لأكبر عدد من الناس