الهندسة المعمارية
هنتكلم النهارده عن قسم الفنانين والمبدعين واصحاب الخيال الواسع
قسم الهندسه المعماريه
الهندسة المعمارية هى فن الجمال ..عشان تدخل عمارة لازم يكون عندك حب للجمال والابداع وقدرة على الخيال,,,
وبتحب الرسم
مواد الدراسه
- التصميم المعماري
- الإنشاء
- الظل والنور
- الإضاءه
- الصوتيات
- والتصميم علي البرامج الهندسيه مثل (Autocad / revit / 3dmax)
وبعض المواد النظريه زي
- نظريات عماره
- تاريخ العماره
- الفرق بين العماره والفنون
عمل المهندس المعمارى عملية ابداعيه ازاى تطوع كل القدرات الهندسية اللى عندك عشان تطلع نتيجة جميلة
هو مكمل لعمل المهندس المدنى ...يعنى مهندس المدنى يبنى والمعمارى يشطب ..الشغل بيبقى كمهندس تصميم .. وكمان بيهتموا بترميم المبانى التراثية ...
الدراسة اغلبها فى عمارة عبارة عن ورش ودراسات على الموقع وكمان لازم فى عمارة يكون المهندس ملم بالثقافة فى البلدان والحضارات
والعلوم والتكنولوجيا والبرامج الجديدة وكمان ملم بقواعد الفيزياء والرياضيات ..لان المطلوب منه التعامل بذوق وفن مع المعطيات اللى قدامه لانتاج افضل شكل ممكن ..
المهام المطلوبة من المهندس المعمارى
التصوّر والتّصميم والابتكار في ميدان الفنّ المعماري انطلاقاً من التّراث الوطني والعالمي.
إنجاز مشاريع البناء وتقويمها.
إرشاد وتوجيه الأفراد والمؤسّسات لإنجاز مشاريع بناء.
التّنسيق مع المهندسين لإيجاد الحلول التّقنيّة في ميادين شتّى مثل الهندسة المدنيّة والأسمنت المسلّح واستعمال مختلف المعادن.
امتلاك وسائل الإقناع الشفهيّة والكتابيّة والمرئيّة للدّفاع عن المشروع.
القدرة على العمل مع فريق متعدّد الاختصاصات سواء في القطاع الخاص أوالعام
وعشان تكون مهندس معمارى ناجح لازم يكون فيك المواصفات دى
محب للتصميم بشكل عام.
لك ميول فنية و لو بسيطة.
مبدع في تفكيرك، قادرعلى التفكير بمشاريع معمارية بطرق مختلفة.
حبك للمطالعة .
دقيق، لمٌاح
ملحوظه متدخلش القسم ده الا لو كنت غاويه بجد
يعنى م الاخر بتحب الرسم والروقان وخيالك واسع اتوكل على الله وادخل عمارة وربنا يوفقك
وفي الأخير الهندسه المعماريه عايزه النظره الجماليه والتفكير الأبداعي لإن هو اللي بيخلق الفكره ويبدأها وهو اللي بيشطب ويحط اللمسه الجماليه اللي عندو في التشطيبات والهندسه المعماريه من اكثر الأقسام الهندسيه اللتي تعتمد علي الإبداع ونمتني لكم التوفيق
تعليقات
إرسال تعليق
نرجو نيل احترامكم
اخبرنا اذا اعجبك المقال
رشح مقالات تود ان تقرأ عنها
ساعدنا علي نشر الإستفاده لأكبر عدد من الناس