التخطيط العمراني

 تخطيط عمرانى

هنتكلم النهارده عن قسم معظم الناس فاهماه غلط الباقي ميعرفش اصلا ايه تخصصو 

هندسه التخطيط العمراني 

شويه معلومات عن القسم

اول حاجه فى ناس كتير اوى فهمين القسم ده غلط كله فاهم انه قسم لتخطيط المساحات الفضييه بس يعنى مدن جديده وحاجات كده هو فعلا القسم كده بس مش ده بس احنا فى القسم بندرس برده تصميم بيوت وعمارات وفلل وشاليهات ومدارس

يعنى القسم ده ممكن تشتغل منه تخطيط وتصميم وتنفيذ كمان يعنى)التخطيط عباره عن تحسين الوضع الراهن مع مراعاه المستقبل عن طريق وضع خطة لتحقيق أهداف المجتمع ويتعلق التخطيط بجميع النواحي الحياتيه سواء اقتصاديا او سياسيا او اجتماعيا او بيئيا-طب هو المخطط ده ياجدعان شغلته ايه ف البلد يعني ها ؟مهندس التخطيط عموما بتبقي وظيفته كالاتي تخطيط القري والمدن والمجاورات وكذلك اعاده تخطيط وتنظيم وهيكله المناطق القديمه واحياؤها وكذلك تصميم المسطحات الخضراء وتنسيق الحدائق وتجميلها وتنسيق الفراغات والميادين ال جانب دراسه العماره ولكن المعماري ليس اساس القسم وكمان ممكن تاخدلك كورس خرسانه وتبقا انت كده فله وتشتغل مكان اي مهندس تنفييذي وتصميم وتخطيط بتاع كله يعني-طب ايه الفرق يعني بين تخطيط وعمارة ؟الفرق يا سيدي بين عماره وتخطيط ان المهندس المعماري بيهتم بالرسومات والتفاصيل الداخليه داخل كيان المبني ذاته اكثر ولكن مهندس التخطيط بيبقي عنده حلقه الوصل بالاهتمام بما بين داخل وخارج المبني فعشان كده بيبقي في الكثير من المواد المشتركه بين طلبه قسم عماره وقسم تخطيط-طب انا خلااااااااااص اقتنعت يا رجاله وهدخل تخطيط اعمل ايه بقا علشان ابقا مميز ومبدع فيه ؟علشان تكون مبدع في القسم ده لازم يكون عندك صبر واراده والبحث دوما عن معلومات باستمرار في المكتبات او عالنت ثم الحضور والحضور والحضور وقوه الملاحظه يعني تحاول تستفيد من كل حاجه عينك تقع عليها سواء حلوه تزودها او وحشه تطورها وتجملهاوتديها كورسات ودورات طبعا ع قد ما تقدر-طب كورسات ايه اللي هحتاجها ف القسم بقا ؟بووووووووص يا سيدي وياستي الكورسات كتير وهتتتاخد بالتدريج يعني في كورسات هتحتاجها ف الاول زي الاتوكاد والفوتشوب وف كورسات برامج الثري دي ودي هتحتاجها قدام شويه ودي اشهر البرامج اللي هتحتاج فيها كورسات

‏Autocad - Photoshope - Gis - 3D Max - Revite - Google shetch up

يعني القسم طلع مستقبلو كويس مش زي ما كنا فاكرين واتمني اكون قدرت اوضح القسم بما فيه الكفايه وزي ما بنقول العامل الأساسي في المستقبل الكويس والحصول علي مرتب كويس هو الإبداع في اللي بتدرسو وده مش هيحصل اللي لو كنت او كنتي بتحبو اللي بتدرسوه فا لو فيه ميول لأي قسم متفكروش في غيرو وتوكلو علي وربنا يوفقكم للي فيه الخير

هذا ما توصلنا اليه نتمني الإفاده والإستفاده والسلام عليكم ورحمه الله وبركاته